बारा

प्रहरीले अबैध लागु औधष खैरो हिरोईन सहित जिल्लाको निजगढबाट ४ जनालाई पक्राउ गरी मंगलबार सार्वजनिक गरेको छ ।
पक्राउ पर्नेमा निजगढ नगरपालिका वडा नं.७ माझिटोल बस्ने बर्ष २९ को लोक बहादुर राना मगर, सोही ठाउँ बस्ने बर्ष ३१ को रवी तामाग, सोही पालिका वडा नं. ६ बस्ने बर्ष ३४ का दिनेश थापा र बर्ष ४५ का मेघराज लिमल्सिना भएको बारा प्रहरीले जनाएको छ ।

विषेश सुचनाका अधारमा ईलाका प्रहरी कार्यालय निजगढबाट खटिएको प्रहरी टोलीले लोक बहादुर मगरको घर खनतलासी गर्ने क्रममा लुकाई छिपाई राखेको अबैध लागुऔषध डाइजोपाम, नुर्फिन, फेनारागन २८रु२८ पिस फेला परेको थियो । त्यस्तै ३ ग्राम ४० मिलिग्राम र १ ग्राम २० मिलिग्रामका दुई पुरिया लागुऔषध खैरो हिरोइन समेत फेला परेको प्रहरीले जनाएको छ ।

रानाले घरबाट लागू औषध बिक्री बितरण गरेको भन्ने सुचना आएपछि सोमबार साँझ प्रहरीले छापा मारेको हो । सोही क्रममा राना र कारोबारमा संलग्न अन्य ३ जनालाई समेत पक्राउ गरी थप अनुसन्धान भइरहेको बाराका प्रहरी नायव उपरिक्षक गौतम मिश्रले जानकारी दिनु भयो ।