बारा

हर प्रहर गाउँ र नगरी नेपाल प्रहरी भन्ने नारा सहित बारामा पनि विविध कार्यक्रम गरी ६६औं प्रहरी दिवस मनाईएको छ । जिल्ला प्रहरी कार्यालय बारा परिषरमा आयोजिक कार्यक्रमको प्रमुख जिल्ला अधिकारी कृष्ण बहादुर कटवालले उद्घाटन गर्नु भएको हो ।

प्रहरी दिवसका अवसरमा जिल्लाको शान्ति शुरक्षा कायम गर्ने कार्यमा सहयोग गर्ने सामाजिक अगुवा, पत्रकार, सामाजिक संघ संस्थाका २१ जनालाई सम्मान गरिएको थियो । यस्तै दिवंगत भएका प्रहरीका आफन्तलाई दोसल्ला ओढाएर सम्मान गर्दै दिवंगत एवं शहिद भएकाहरुको प्रतिमामा माल्यार्पण गरिएको थियो । सोही अवसर उत्कृष्ठ कार्य गर्ने दुईदर्जनबढी प्रहरी कर्मचारी समेत सम्मानित भएका छन् ।

कार्यक्रमा बाराका प्रहरी उपरिक्षक दिपेन्द्र शाहीले प्रहरी महानिक्षक शैलेश थापा क्षेत्रीको शुभकामना सन्देश पढेर सुनाउनु भएको थियो । सन्देशमा प्रहरीको गर्विलो ईतिहाँस कोट्उँदै कठिन परिस्थीमा समेत नेपाल प्रहरीले देशका लागि गरिरहेको योगदान र आगामी दिनमा समेत कर्तब्यनिष्ठ हुने कुरा उल्लेख थियो ।

कार्यक्रममा जिल्लाका राजनैतिक दलका प्रतिनिधी, सामाजिक अगुवा , शुरक्षा एवं प्रशासनिक प्रमुखहरु, पत्रकार लगायतको उपस्थीति थियो ।