पुष्पराज खतिवडा

१७ कार्तिक २०७८
मनहर्वा,बारा

जीतपुरसिमरा उपमहानगरपालिका–१८को उचिडीमा संचालित प्रथम जैतापुर सेभेन साईड फुटबल कप २०७८ को उपाधी सोही वडाको सफल होराईजन यूवा क्लब बडहर्वाले जीतेको छ ।
कोल्हवी नगरपालिका वडा नंं.–४ को जुगवा यूवा क्लबलाई २ शुन्य गोल गर्दै बडहर्वाले प्रतियोगिताको उपाधी हात पारेको हो । विजेता क्लबले नगद २० हजार सहित ट्रफी प्राप्त गरेकोे छ । भने उपविजेताले नगद १० हजार र ट्रफीमा चित्त बुझाएको छ ।

दिपावली तथा छठ पर्वको अवसरमा यसै महिनाको ७ गतेबाट आयोजीत प्रतियोगितामा आसपासका २० ग्रामिण क्लवहरु सहभागि भएका थिए । प्रतियोगिता जीतपुरसिमरा उपमहानगरपालिका–१७ मा रहेको जैतापुर यूवा क्लबले आयोजना गरेको थियो ।
चाडपर्व विचमा आयोजना गरिएको प्रतियोता भएकाले दैनिक २ वडा खेल हुँदै आएको थियो । सेभेन साईड अर्थात एउटा टिमबाट ७ जना खेलाडीले खेलेका थिए । खेल मैदान साँघुरो भएकाले थोरै खेलाडी, सानो पोलको ब्यवस्था गरि प्रतियोगिता गर्नुपरेका आयोजक क्लबका अध्यक्ष जगदिश महत्तोले बताउनु भयो ।
स्थानिय मिशन एकेडेमी बोर्डिङ्ग स्कुलले प्रथम र साना किसान कृषि सहकारी संस्था लिमिटेड मनहर्वाले दोस्रो पुरस्कारको रकम प्रदान गरेका थिए । उपाधी विजेता टिम र खेलाडीहरुलाई नगद र ट्रफी जीतपुरसिमरा उपमहानगरपालिका १८का अध्यक्ष अर्जुन प्रसाद दाहाल र मिशन एकेडेमी स्कुलका संचालक गोरे लामाले संयूक्त रुपबाट गर्नु भएको थियो ।
यस्तै उपविजेता टिम जुगुवा क्लबलाई वडा नं. १७ का अध्यक्ष नवराज खड्का र साना किसान कृषि सहकारी संस्था लिमिटेड मनहर्वाकी अध्यक्ष नयनकला खड्काले प्रदान गर्नु भएको हो । विभिन्न विधाका उत्कृष्ठ खेलाडीहरुलाई अन्य सामाजिक अगुवा एवं दाताहरुले समेत पुरस्कार वितरण गर्नुभएको थियो ।