बारा
२३ मंसिर २०७८
टेक्टरले किचेर अढाई बर्षिय बालिकाको मृत्यु भएको छ । विहिबार विहान ९ः३० बजेको समयमा कलैया उपमहानगरपालिका २४ सखुईका रामाकान्त चौधरीकी छोरी दुर्गा चौधरीको मृत्यु भएको हो ।
स्थानिय रामानन्द प्रसाद यादवको ग १ त २१६३ नम्बरको टेक्टरले किचेर उनको ज्यान गएको प्रहरीले जनाएको छ । टेक्टरमा चढेकी बालिका धान झार्ने क्रममा टेलर अघिपछी गर्दा भुँईमा झरेकी थिईन् । सोही क्रममा ईन्जिनको ठुलो चक्काले किचेको हो । सोही क्रममा गम्भीर घाईते भएकी बालिका दुर्गालाई उपचारका लागि बिरगजं लैजाँदै गर्दा बाटैमा मृत्यु भएको प्रहरीले जनाएको छ ।
बालिकालाई किच्ने टेक्टर र चालक स्थानिय नागेन्द्र प्रसाद यादवलाई प्रहरीले नियन्त्रणमा लिएको बाराका प्रहरी नायव उपरिक्षक राजेश थापाले जानकारी दिनु भयो ।