१२ पौष २०७८
बारा प्रहरीले अबैध हतियार र लागुऔषध सहित १ जनालाई पक्राउ गरेको छ । पक्राउ पर्नेमा जिल्लाको परवानीपुर गाउँपालिका वडा नं.४ चैनपुर बस्ने साविर देवानका छोरा बर्ष २४ का सनवर देवान रहेको बारा प्रहरीले जनाएको छ ।
प्रहरीले उनको साथबाट अवैध एकथान नलकटुवा बन्दुक र केहीथान लागुऔषध फेला पारेको हो । देवानले अवैध हतियार बोकी हिडेको भन्ने विशेष सूचनाको आधारमा आईतबार विहान ५ बजे ईलाका प्रहरी कार्यालय परवानीपुरको प्रहरी टोली देवानलाई स्थानिय लक्ष्मी नारायण दुर्गा मन्दिर परिसरबाट पक्राउ गरेको हो ।
निजको कम्मरमा लुकाई छिपाई राखेको अवस्थामा अबैध कटुवा बन्दुक थान–१ र पाइन्टको खल्तीमा ८ पिस लागू औषध नाइट्राभेट ट्याबलेट फेला हो । पक्राउ परेका देवान उपर हातहतियार तथा लागू औषध मुद्दामा जिल्ला अदालत बाराबाट ५ दिनको म्याद थप गरी हिरासतमा राखी थप अनुसन्धान भइरहेको प्रहरी नायव उपरिक्षक डिएसपी राजेश थापाले जानकारी दिनु भयो ।
फोटोमा ःहतियार सहियार सहित पक्राउ परेका सनवर देवान ।