बारा
२ चैत्र २०७८
जिल्ला आदर्श कोतवाल गाउँपालिका–५, रुपौलीमा करेन्ट लागेर एकजनाको मृत्यु भएको छ । मृत्यु हुनेमा निसु राउत कुर्मीको छोरा २२ बर्षका रंजित पटेल रहेको प्रहरीले जनाएको छ ।

गएराती आफ्नो खेतको मकैबारिमा पानी पटाउन मोटर चलाउन खोज्दा एकासि करेन्ट लागि घट्नास्थलमै उनको मृत्यु भएको बाराका प्रहरी नायव उपरिक्षक राजेश थापाले जानकारी दिए ।

घटना गएराती अन्दाजी १०ः ४० बजेको समयमा भएको हो । मृतकको शव प्रादेशिक अस्पताल कलैयामा पोष्टमार्टपछि मृतक पटेलको शव आफन्तको जिम्मा लगाईएको उनले बताए ।