बारा
३ चैत २०७८

मोटरसाइकलको ठक्करबाट ४ बर्षिय बालकको मृत्यु भएको छ ।
जिल्लाको जितपुरसिमरा उपमहानगरपालिका वडा -१८ को माथ्लो बडहर्वा निवासी केशव थापाका ४ बर्षिय छोरा  रियान थापा मगरको मृत्यु भएको प्रहरीले जनाएको छ ।

पिलुवा कलैया सडकखण्डको मोतीचोक नजिकै बिहिन ८ बाजेको समयमा नम्बर नखुलेको निलो रंगको आरटिआर अपाचे मोटरसाइकलको ठक्करबाट बालक गम्भीर घाइते भएका थिए । उनको तत्काल उद्दारगरी न्युरो अस्पताल बिरगंज पुर्याएपनी उपचार हुननसकी बालकको मृत्यु भएको बारा प्रहरीले जनाएको छ ।

दक्षिणबाट पिलुवा तर्फ जाँदै गरेको उक्त मोटरसाइकलले बाटो कट्दै गरेका बालकलाई ठक्कर दिएको थियो ।

बालकलाई ठक्कर दिई फरार रहेको मोटरसाइकल र सोका चालकको तीब्र रूपमा खोजी कार्य भैरहेको बाराका प्रवक्ता डिएसपी राजेश थापाले जानकारी दिए ।