बारा
४ चैत २०७८
कलैया-पिलुवा सडकखण्ड अन्तरगत जितपुरसिमरा उपमहानगरपालिका -१६ को शंकर चोक नजिकै शुक्रबार बिहान ११ बजे फेरी अर्को दुर्घटना भएको छ ।
दुर्घटनामा परि वडा न. १८ माथ्लो बडहर्वा निवासी गोबिन्द जर्गा गम्भीर घाइते भएका छन् । जर्गा बेकरीका संचालक समेत रहेका जर्गाको देब्रे खुट्टा भाँचिएको र टाउकोमा चोट लागेको छ ।
जितपुर सिमरा-१६ को डकाहमा आफन्त भेटेर फर्कने क्रममा उनले चलाएको ना ८ प ८३३४ नम्बरको मोटरसाइकलको पछिको चक्का पम्चर भै अनियंत्रित हुँदा दुर्घटना भएको स्थानीयले बताए ।जर्गालाइ उपचारका लागि बिरगंज पठाइएको प्रहरीले जनाएको छ ।
बिहिवार बिहान सोही सडकखण्डको मोतिचोक नजिकै ४ बर्षिय बालकको मोटरसाइकलको ठक्करबाट ज्यान गयो ।
बुधबार अपराहन्न सोही पालिकाको बडहर्वा चोकमा दुई मोटरसाइकल एकआपसमा ठोकिएर भएको दुर्घटनामा ३ जना घाइते भएका थिए ।
त्यसको अघिल्लो दिन अर्थात मंगलबार कलैया उपमहानगरपालिकाको वडा नं. १६ उत्तर झिट्कैंयामा टिपरको ठक्करबाट मोटरसाइकल चालक एक पुरुषको ज्यान गयो । सोही मो.सा. मा सवार एक महिला घाइते भइन ।
यसरी यस सडकखण्ड्मा दिनहुँजसो हुँने दुर्घटनाले स्थानीयलाई त्रसित बनाएको छ । दुर्घटना न्यूनीकरण गर्न सरकारले विशेष र गम्भीर रूपमा ध्यान दिनु पर्ने देखिएको छ ।
प्रतिक्रिया
सम्बन्धित खवर
