बारा
२८ चैत्र २०७८
सवारी दुर्घटनामा परि ६० बर्षका मानिसको मृत्यु भएको छ । जितपुरसिमरा उपमहानगरपालिका वडा नं. ७ का ६० बर्षिय कन्हैया बहादुर क्षेत्रीको ट्रकको ठक्करबाट मृत्यु भएको प्रहरीले जनाएको छ । उनको उपचारका क्रममा विरगजंमा मृत्यु भएको हो ।

सोमबार अपराहन्न २ः३५ बजेको समयमा सोही पालिका वडा नं. ०३ स्थित सिपर्दी ट्रेडिङ नजिकै बिरगंज पथलैया सडक खण्डमा दुर्घटना भएको हो । जितपुर तर्फबाट सिमरा तर्फ आउंदै गरेको ना.५ ख.७५०७ न.को ट्रकले सोहि दिशा तर्फबाट आउंदै गरेको प्रदेश २–०३–०१४ प.१३६२ न.को स्कुटी लाइ ठक्कर दिएको थियो ।

ठक्करबाट सडकमा लडेका स्कुटी चालक क्षेत्रीको टाउको, मुख, खुट्टामा चोट लागेको थियो । गम्भीर अवस्थाका घाईते क्षेत्रीलाई अल्पाइन अस्पताल सिमरामा सामान्य उपचार पश्चात थप उपचारको लागि बिरगंज पठाईएको थियो ।

उनको नेशनल मेडिकल कलेज बिरगंजमा १५ः२८ बजेको समयमा मृत्यु भएको बाराको प्रहरी नायव उपरिक्षक राजेश थापाले जानकारी दिए ।