बारा
१ बैशाष २०७९
पूर्व पश्चिीम लोकमार्गको सिमरा–हेटौंडा सडकखण्डमा आज विहान भएको सवारी दुर्घटनामा परि एकजनाको मृत्य भएको छ । यस्तै सोही घटनामा परि अन्य १३ जना घाईते भएका छन् । उनीहरु मध्य ३ जनाको गम्भिर र बाँकीको मध्यम तथा सामान्य अवस्थामा जिरगजं स्थीत बयोधा अस्पतालमा उपचार भैरहेको बारा प्रहरीले जनाएको छ ।

सिमराबाट हेटौडा तर्फ जादै गरेको बा.१९.च.४३७७ नम्बरको स्कर्पियो अनियन्त्रित भई सडकको बाँया तर्फ पल्टीएको थियो । सो दुर्घटनामा स्कर्पियोका चालक जितपुरसिमरा उपमहानगरपालिका वडा नं. ११ बस्ने २५ बर्षका लोकनाथ सेढाईको ज्यान गएको बारा प्रहरीले जनाएको छ ।

विहिबार विहान ८ः३० बजेको समयमा जिल्लाको जितपुरसिमरा उपमहानगरपालिका २१ पूर्वपश्चिम लोकराजको आधाभार जंगलमा स्कोर्पियो दुर्घटना भएको हो । घाईते मध्ये ३ जनाको अवस्था गम्भीर र अन्यको सामान्य अवस्थामा अल्पाईन अस्पताल सिमरामा उपचार भैरहेको प्रहरीले जनाएको छ ।

पर्साको बिन्दवासिनी गाउँपालिका २ बस्ने २२ बर्षका प्रेम साह सोही स्थानका १२ बर्षिय राजु गुप्ता र जितपुरसिरमरा उपमहानगरपालिका वडा नं.०७ बस्ने २५ बर्षकी निर्मला देवी साहको अवस्था गम्भीर देखिएको प्रहरीले जनाएको छ ।

अवस्था गम्भीर भएका तीनै जनालाई थप उपचारका लागि बिरगंज स्थित बयोधा अस्पताल रिफर गरिएको बाराका प्रहरी नायव उपरिक्षक डिएसपी राजेश थापाले जानकारी दिए ।

अन्य घाईतेहरुको नाम ठेगाना यस प्रकार रहेको छ ।
१) जिल्ला बारा जितपुरसिमरा वडा नं.११ बस्ने बर्ष २२ उषा सेढाँई
२) जिल्ला बारा जितपुरसिमरा वडा नं.११ बस्ने बर्ष २ को अभय सेढाई
३) जिल्ला बारा जितपुरसिमरा वडा नं.११ बस्ने बर्ष ४ को अंशु सेढाई
४) जिल्ला पर्सा बिरगंज महानगरपालिका वडा नं ३२ बस्ने बर्ष ५३ को लालमुनि देवी
५) जिल्ला पर्सा बिरगंज महानगरपालिका वडा नं ३२ बस्ने बर्ष १४ को आशा साह
६) जिल्ला बारा जितपुरसिमरा वडा नं.११ बस्ने बर्ष ४० को इच्छा देवी मिजार
७) जिल्ला बारा जितपुरसिमरा वडा नं.११ बस्ने बष बर्ष ४८को जोगी मिजार
८) जिल्ला बारा जितपुरसिमरा वडा नं.०७ बस्ने नाम र बर्ष नखुलेको पुरुष
९) जिल्ला बारा जितपुरसिमरा वडा नं.०७ बस्ने बर्ष ९ को निखिल कुमार साह
१०) जिल्ला बारा जितपुरसिमरा वडा नं.०७ बस्ने बर्ष ७ को निवेश कुमार साह