बारा: पचरौता नगरपालिका वडा नम्बर ७ पकडिया स्थित सिमा नाकाबाट सशस्त्र प्रहरीले चाँदीको गहना सहित भारतीय नागरिकलाई पक्राउ गरेको छ ।

सशस्त्र प्रहरी बल बिओपी बेनौलीका सशस्त्र प्रहरी नायब निरीक्षक लिलबहादुर ठाडाको कमान्डमा रहेको टोलीले चेकजाँच गर्दा १२ सय ग्राम चाँदीको गहना सहित भारत बिहार मोतिहारी जिल्ला झुनमडवा ग्राम पंचायत वडा नम्बर ३ बडहरवा निवासी वर्ष २८ को शैलेस साहलाई पक्राउ गरेको हो ।

सशस्त्र प्रहरी बाहिनी मधेस प्रदेशका डिआइजी गणेश ठाडा मगरले गहना सहित भारतीय नागरिक पक्राउ परेको जानकारी दिए ।

बरामद गरिएको चाँदीको गहनाको मूल्य १ लाख ४० हजार र १ लाख मूल्य बराबरको मोटरसाइकल समेत गरी कुल २ लाख ४० हजार बराबर रहेको प्रहरीले जनाएको छ ।

सशस्त्र प्रहरीले चेकजाँचको क्रममा बि आर ०५ एबि १९६६ नम्बरको मोटरसाइकलसमेत बरामद समेत गरेको छ ।

चाँदीको गहना सहित पक्राउ परेका भारतीय नागरिकलाई भन्सार बुझाउन आवश्यक कारबाहीको लागि जिल्ला प्रहरी कार्यालय बारामा बुझाइएको रानाले जानकारी दिए ।

फिटोमा : गहना सहित पक्राउ परेका भारतीय नागरिक शैलेश साह ।