बारा: सिम्रौनगढबाट सशस्त्र प्रहरीले अत्याधुनिक हतियारसहित दुई भारतीय पक्राउ परेका छन् । सिम्रौनगढ नगरपालिका- ९ , बसवरीया देखि कचोर्वा जाने सडकबाट शनिबार बिहान १० बजे अटोमेटिक चाइनीज पेस्तोल, म्याग्जीन र गोली सहित दुई भारतीय युवकलाई पक्राउ गरेको हो ।
पक्राउ पर्नेहरुमा भारतको बिहार प्रान्तको मोतीहारी जिल्लाका २३ वर्षीय पप्पुकुमार यादव र बिहारकै भेलावाका २२ वर्षीय अकलेश कुमार सिंह रहेका छन् । सिमावर्ती भारतीय गाँउबाट मोटरसाइकलमा नेपाल प्रवेश गरेका दुवै जनालाई सशस्त्र प्रहरीले रोकेर चेकजाँच गर्दा उनीहरुको साथबाट चाइनिज पेस्तोल १ थान , त्यसमा लाग्ने २ राउण्ड गोली , १ थान म्याग्जन २ थान , कटुवा पेस्तोल १ थान र त्यसको दुई राउण्ड गोली बरामद भएको सशस्त्र प्रहरीले जनाएको छ ।
पेस्तोल र गोलीसहित पक्राउ परेका दुवैलाई आवश्यक कारवाहीका लागि इलाका प्रहरी कार्यालय सिम्रौनगढमा बुझाइएको सशस्त्र प्रहरीले जनाएको छ ।
