बारा
३० बैशाष ०७९
जिल्लाको पचौता नगरपालिकाका ३ मदतान स्थलका ४ वटा केन्द्रको मतदान स्थगन भएको छ । एमाले र जसपा कार्यकर्ता विच विवाद हुँदा वडा नं. २ र ४ मा समस्या भएको हो । एउटा पालिकाको ४ वटा केन्द्रमा मतदान स्थगन बाहेक जिल्लाभर मतदान शान्तपूर्ण सम्पन्न भएको छ ।

पचरौता बाहेक अन्यत्र समेत विवाद र झडप भएपनि केही बेरमै मतदान प्रकृया संचालन भए । जस्का कारण जिल्ला भित्र समग्रमा मतदान प्रकृया शान्तीपूण रुपमा सम्पन्न भएको जिल्ला प्रशासन कार्यालय बाराले जनाएको छ ।

स्थगन भएका स्थानमा मुख्य निर्वाचन अधिकृत र निर्वाचन आयोगको परामर्शमा पुनः मतदान हुनेगरी मिति तोकिन सक्ने सहायक प्रमुख जिल्ला अधिकारी शिवराज सेडाँईले जानकारी दिए ।

स्थानिय मतदान अधिकृतहरुका अनुसार जिल्लामा ६८ प्रतिशत मतदान भएको प्रारम्भीक अनुमान गरिएको छ । ४ लाख १३ हजार ७ जना मतदाता छन् ।

तर कती प्रतिशत मत खस्यो सोको वास्तविक विवरण आउन बाँकी छ । मतदान स्थलहरुबाट मतगणना स्थलमा मतपेटीका संकलन कार्य भैरहेकाले केही बेरपछि मात्रै वास्तविक विवरण दिन सकिने मुख्य निर्वाचन कार्यालय बाराका सुचना अधिकृत ईन्द्र याङहाङ्गले जानकारी दिए ।