सिमरा : आइतबार राति उदयपुरकमा भएको ट्रक दुर्घटना जितपुरसिमरा उपमहानगरपालिका निवासी चार जनाको मृत्युु भएको छ ।

दुर्घटना परि जितपुरसिमरा उपमहानगरपालिका–१ पथलैयाका ट्रकका चालक ३५ वर्षीय सुजित घलान, वडा नं. १८ बडहर्वाका सहचालक २५ वर्षीय नितेश खड्काको मृत्यु भएको हो ।

यस्तै ट्रकमा सवार जितपुरसिमरा–१ पथलैयाका १७ वर्षीय अनुज लामा र ३७ वर्षीय राजन तामाङको समेत घटनास्थलमै मृत्यु भएको प्रदेश १ ट्राफिक प्रहरी कार्यालय ईटहरीले जनाएको छ ।

कटारी नगरपालिका–१४ भदौरेमा भएको दुर्घटनामा परि उनीहरु चारै जनाको मृत्यु भएको हो ।

मकवानपुरको हेटौंडाबाट सोलुमा निर्माणाधीन हाइड्रोपावरको सिमेन्ट लोड गरेर सोलुखुम्बु जाँदै गरेको ना ८ख ८२९७ नम्बरको ट्रक सिद्धिचरण लोकमार्ग अन्तर्गत कच्ची सडकखण्डमा दुर्घटना भएको हो ।

राति करिब २ः३० बजेतिर ट्रक सडकबाट एक सय मिटरजति तल खसेको प्रहरीले जनाएको छ ।