१५ असोज,बारा: जीतपुरसिमरा उपमहानगरपालिका वडा नं.१६ को डकाहमा जारी जिल्ला स्तरिय नकाउट फुटबल प्रतियोगता आयोजक मित्र युवा क्लब डकाहले जितेको छ ।

बागदेव युवा क्ल्व निजगढलाई २–० गोल अन्तरले पराजित गर्दै आयोजक डकाहले प्रतियोगिताको उपाधि हात पारेको हो ।
प्रतियोगिताका विजेता एवं उपविजेता टिमलाई १६ नं. वडाका अध्यक्ष हरिदेव खरेलले पुरस्कार प्रदान गर्नु भयो । विजेताले नगद रु २० हजार, ट्रफि एवं उपविजेताले नगद रु १० हजार सहित ट्रफि प्राप्त गरे ।

डकाहका लागि जर्सी नं. १० का अन्जान बछार दोस्रो हाफको १ मिनेटमा पहिलो गोल गर्दै टिमललाई अग्रता दिलाए । भने दोस्रो गोल जर्सी न. ९ सुसान्त चौधरी खेलको २२ औं मिनटमा गरेका थिए ।

खेलको पहिलो हाफमा दुबै टिमले गोल गर्न सकेनन् । एकअर्काले पाएको उत्कृष्ट मौकालाई गोलमा परिणत गर्न नसक्दा पहिलो हाफ बाराबरी रोकियो ।

दोस्रो हाफपछी आक्रामक रुपमा प्रस्तुत भएको डकाहले दुई गोल गर्दा बागदेव यूवा क्लब भने सुन्य गोलमै चित्त बुझाउन पुग्यो । उसले पटकपटक पाएको अवसरलाई जालि चुमाउन सकेन ।

सुन्दरबस्ती युवा क्लबलाई आयोजकले र बाग्देवले बकुलियालाई ट्राइवेकरमा पराजित गरि फाइनल प्रवेश गरेको थिए ।
प्रतियोगिता गत ४ गतेबाट सुरु भएको थियो ।