हेटौँडा : अमलेखगञ्ज बस दुर्घटनामा मृत्को संख्या  १३ जना पुगेको छ । मृतकको सनाखत हुन बाँकी रहेको प्रहरीले जनाएको छ ।

पुर्व पश्चिम राजमार्ग अन्तर्गत बाराको जितपुर सिमरा उपमहानगरपालिका वडा नंबर २२ तीन नम्बर पुल नजिक यात्रुबाहक बस दुर्घटना हुँदा १३ जनाको ज्यान गएको हो ।

हेटौंडाबाट बिरगंज तर्फ जाँदै गरेको बागमती प्रदेश ०६ ००१ ख ०११० नम्बरको बस अनियन्त्रीत भइ सडकबाट करिब सय मिटर तल खसेको थियो।

खोलामा बस खस्दा भएको दुर्घटनामा हालसम्म १३ जनाको मृत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनाका घाईतेलाई हेटौँडा अस्पताल ल्याईएका मध्य ५ महिला र ७ पुरुष यस्तै चुरेहिल अस्पतालमा १ जना गरि १३ जनाको मृत्यु भएको जिल्ला प्रहरी कार्यालय मकवानपुरले बताएको छ ।मकवानपुर प्रहरी प्रमुख एसपी वामदेव गौतमका अनुसार घटनाको प्रकृति हेर्दा यो संख्या अझै बढ्न सक्ने देखिन्छ ।

दुर्घटनाका घाइतेको उद्दरसँगै उपचार भैरहेको उनले बताए ।