२५ असोज ,बारा:प्रहरीले चोरी भएको मोटरसाइकल सहित २ जना पक्राउ गरेको छ । पक्राउ पर्नेमा रौतहट फतुवा बिजयपुर नगरपालिका वडा नं.५ बस्ने रामविश्वास राय यादवको छोरा वर्ष १९ को रामनारायण राय यादव र बस्ने चन्द्रिका रामको छोरा वर्ष २१ को अजय राम भएको प्रहरीले जनाएको छ ।

गत शनिबार राती १ बजेको समयमा करैयामाई गाउँपालिका वडा नं.८ स्थित नरही टोलबाट प्रदेश २–०३–००८प १४१४ नं.को मोटरसाइकल चोरी भएको थियो । उक्त घटनामा संलग्न भएको आधारमा प्रहरीले पक्राउ गरिएको जनाएको छ । चोरी भएको मोटरसाईकलको नम्बर पलेट फुकाले भारतीय नम्बर लगाईएको अवस्थामा उक्त मोटरसाइकल उनीहरुको साथमा फेला परेको हो ।

मटरसाईकल सहित यादव र रामलाई पक्राउ गरी हिरासतमा राखी थप अनुसन्धान भइरहेको बारा प्रहरी प्रमुख होबिन्द्र बोगट्टीले जानकारी दिए ।