१४ कात्तिक, तनहुँ : तनहुँ क्षेत्र नम्बर २ प्रदेश १ का नेकपा एकीकृत समाजवादीका उम्मेदवार दुर्गाकुमार श्रेष्ठले नेकपा एमालेका उम्मेदवारलाई समर्थन गर्दै आफ्नो उम्मेदवारी निष्क्रिय गराएका छन् ।
उनले विज्ञप्ति निकालेर प्रतिनिधिसभामा एमालेका उम्मेदवार किरण गुरुङ र प्रदेशसभा १ मा एमालेकै श्यामराज महतलाई जिताउन आह्वान गर्दै आफ्नो उम्मेदवारी अब नरहेको बताएका छन् ।
तनहुँमा गठबन्धनका ६ जना उम्मेदवार हुँदा पनि गठबन्धनकै एक घटक उनले नेकपा एकीकृत समाजवादीले एक सिट पनि नपाएकोले विद्रोह स्वरुप आफूहरुले उम्मेदवारी दर्ता गरेको बताएका छन् ।
उम्मेदवारी फिर्ता लिन पार्टी नेतृत्वले बारम्बार आग्रह गरेको बताउँदै उनले विज्ञप्तिमा लेखेका छन्, ‘कम्युनिष्ट विचार र मान्यताबाट अघि बढिरहेको सचेत कार्यकर्तालाई कांग्रेसको पिछलगु भइ हिँड्नु पर्ने कुनै कारण नभएको स्पष्ट पार्न चाहन्छु ।’
प्रतिक्रिया
सम्बन्धित खवर
