निराज रानाभाट , काठमाडौं : आउँदाे पुस २९ गते प्रदर्शन हुने साम्राज्ञी राज्यलक्ष्मी शाह तथा पुष्प खड्का चलचित्र ‘ तिम्रो मेरो साथ ’ को टिजर सार्वजनिक भएको छ ।

रमेश एमके पौडेलको निर्माण तथा निर्देशनमा रहेको लभस्टोरी चलचित्र ‘ तिम्रो मेरो साथ ’ बोधी एचडी युट्युब च्यानलबाट सार्वजनिक भएको हो । १ मिनेट ३० सेकेन्ड रहेको टिजरमा चर्चित अभिनेत्री साम्राज्ञी राज्यलक्ष्मी शाह तथा चर्चित अभिनेता पुष्प खड्काको प्रेममा आउने उतार – चढावलाई प्रस्तुत गरिएको छ । चलचित्रले प्रेम र बदलाको कथा देखाएको छ ।

चलचित्रमा साम्राज्ञी तथा पुष्पको अलावा सन्दिप क्षेत्री , इमिली लामा , सरोज खनाल , दिपिशा के.सी , खड्कबहादुर पुन ` खबपु ´ को अभिनय छ । चलचित्र सबिर श्रेष्ठ तथा बाबुराम निरौलाले लेखेका हुन् । आर्यन फिल्मस् र बोधी एचडिको ब्यानरमा निर्माण भएको चलचित्रमा पासाङ लामा निर्माता हुन , भने निरू भण्डारी , अशोक पोख्रेल , सुमन पौडेल तथा सुधिर पराजुली सह – निर्माताका रूपमा रहेका छन् । यसैगरी , सविर श्रेष्ठ सिनेमाका कार्यकारी निर्माता हुन् ।      https://youtu.be/fswbGBhLUG0