मकवानपुर: हेटौंडाको बुद्धचोकमा बुधबार बिहान दुई युवाबिच खुकुरी हानाहान भएको छ । खुकरी प्रहरबाट एक युवा घाइते भएको मकवानपुर प्रहरीले जनाएको छ ।
घाईते युवकोे खुट्टामा चोट लागेको छ । प्रतक्षदर्शीको अनुसार दुई युवाहरू एक आपसमा विवाद गर्ने क्रममा एउटाले खुकुरी निकालेर प्रहार गरेको थियो । दुई युवाको आपसी बिबाद खुकुरी हानाहानमा परिणत भएपछि प्रहरीले उनिहरुलाई नियन्त्रणमा लिएको छ ।
मकवानपुरका प्रहरी प्रवक्ता प्रहरी नायव उपरीक्षक जयश्वर रिमालको अनुसार खुकुरी प्रहारबाट हेटौंडा–१, चाइनाक्वाटर बस्ने २६ वर्षका प्रशान्त नगरकोटी सामान्य घाइते भएका छन्।
प्रहरीले खुकुरी प्रहार गर्ने हेटौंडा–१०, बसपार्क बस्ने २१ वर्षका सौरभ लामा र नगरकोटी दुवैलाई नियन्त्रणमा लिएको छ ।
दुइबीच झगडा किन भएको हो भन्ने विषयमा सोधपुछ भइरहेको रिमालले बताए ।