११ फागुन ,बारा: जिल्लाको जीतपुरसिमरा उपमहानगरपालिका वडा नं. ७ जीतपुरमा दुई दिने जिल्ला स्तरीय सितोरियो कराते प्रतियोगिता हुने भएको छ । आयोजक नेपाल सितोरियो कराते शाखा डोजो जीतपुरले प्रतियोगिताको बिषयमा जानकारी दिएको हो ।

जीतपुरसिमरा उपमहानगरपालिकाको वडा नं.७ जीतपुर स्थित शान्ति टोल खेल मैदानमा फागुन १२ र १३ गते कराते प्रतियोगिता हुने आयोजक डोजो शाखाका अध्यक्ष तथा प्रशिक्षक मनोज साहले जानकारी दिनुभयो ।

प्रतियोगितामा २० देखी ६८ केजी तौल समुहका खेलाडीले भाग लिएका छन् । प्रथम बिजेतालाई १५ हजार ,दोस्रो हुनेलाई १० हजार र तेस्रो हुनेलाई ५ हजार रुपैया ,मेडल र शिल्ड प्रदान प्रदान गरिने छ उहाँले भन्नुभयो ।

प्रतियोगिता अवधिभर करिब ४ लाख ३५ हजार ५ सय रुपैया खर्च लाग्ने अनुमान नेपाल सितोरियो कराते शाखा डोजो जीतपुरले गरेको छ ।