बारा
२५ असार २०८०
मोटरसाईकल दुर्घटनामा परि एक यूवकको मृत्यु भएको छ । अर्का एकजना घाईते भएका छन् । सिमराबाट बिरगंज तर्फ जाँदै गरेको प्र २–०३–०१८ प ९६० नंबरको मोटर साईकल अनियन्त्रित भई दुर्घटना हुँदा पर्सा जिल्ला बहुधरामाई नगरपालिका वडा नं.९ बिश्रामपुर बस्ने बर्ष २३ का विजय शर्माको मृत्यु भएको प्रहरीले जनाएको छ ।

सोमबार मध्यान्न १२ः१० बजेको समयमा जिल्लाको जितपुरसिमरा उपमहानगरपालिका वडा नं.२३ भलुहि स्थित बिरगंज पथलैया सडकखण्डमा दुर्घटना भएको हो । सोही दुर्घटनामा परि पर्सा जिल्ला पोखरिया नगरपालिका वडा नं.१, बनकटवा ठाउँ बस्ने २२ बर्षका अर्जुन सहिनी घाईते भएका छन् ।

सहनीको छाति र टाउकोमा चोट लागेको छ । उनको अवस्था मध्यम रहेको छ । उनको बयोधा अस्पताल विरगजंमा उपचार भैरहेको बाराका प्रहरी नायव उपरिक्षक पुरुषोत्तम् पाण्डेले जानकारी दिनु भयो ।

मृतक शर्मा सहनिले चलाएको मोटरसाईकलमा पछाडी बसेर सवार थिए । शर्माको पेटमा गम्भीर चोट लागेको थियो । दुर्घटनामा घाईते भएका दुबै जनालाई उपचारको लागि बयोदा अस्पतालमा बिरगंज पठाएकोमा शर्माको उपचारको क्रममा मृत्यु भएको प्रहरी नायव उपरिक्षक पाण्डेले जानकारी दिनु भयो ।

उनीहरु दुबैजना ठाकुरराम बहुमुखि क्याम्पसका विद्यार्थी हुन् । ब्याचलर तेस्रो बर्षको परिक्षा दिन सिमरा आएको बुझिएको छ ।