दाङ । लुम्बिनी प्रदेश सरकारले भुकम्प प्रभावित क्षेत्रमा औषधिसहितको स्वास्थ्यकर्मीको टोली पठाउने भएको छ ।
भूकम्पबाट बढी प्रभावित जिल्लाहरु रुकुम पश्चिम र जाजरकोटका लागि दाङबाट मात्रै चार गाडीमा औषधि र स्वास्थ्यकर्मी पठाउन लागिएको लुम्बिनीका मुख्यमन्त्री डिल्लीबहादुर चौधरीले जानकारी दिए ।

बुटवल र नेपालगञ्जमा पनि समन्वय भइ रहेको हुँदा औषधिसहित थप स्वास्थ्यकर्मी पनि पठाउने गरि कुरा भइरहेको मुख्यमन्त्री चौधरीले बताए । कर्णाली प्रदेशका मुख्यमन्त्री राजकुमार शर्मासँग समन्वय गरि उपचार र उद्धारका लागि अन्य टोलीपनि पठाउन लागिएको छ ।

प्रदेशका अर्थमन्त्री धनबहादुर मास्कीले पनि स्वास्थ्य सामग्रीसहित चिकित्सकको टोली रुकुम पश्चिम र जाजरकोट तर्फ जति हुन्छ छिटो पठाउने तयारी गरिएको जानकारी दिए ।