मकवानपुर । मकवानपुरको बकैयामा आज दिउँसो एक जना पुरुषको शव फेला परेको छ ।
जिल्लाको बकैया गाउँपालिका वडा नम्वर ११ नियालले भञ्ज्याङ श्रीडाँडा जंगलमा एक जना पुरुषको शव फेला परेको जिल्ला प्रहरी कार्यालय मकवानपुरले जनाएको छ ।
जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले उक्त शव मकवानपुरगढी गाउँपालिका वडा नम्वर १ बस्ने जैरेटार बस्ने अन्दाजी २८ वर्षीय मानबहादुर लुङ्बा रहेको जानकारी दिए ।
हाल घटनास्थलमा जिल्ला प्रहरी कार्यालयबाट प्रहरी निरीक्षकको टोली पुगेर मुचुल्का उठाउने काम भइरहेको प्रहरी नायब उपरीक्षक रिमालले बताए ।
उक्त घटनाको विषयमा आवश्यक अनुसन्धान भइरहेको मकवानपुरले प्रहरीले जनाएको छ ।