काठमाडौं । बर्दियामा एकजना प्रहरी नायब निरीक्षक घुस रकमसहित पक्राउ परेका छन् । जिल्लाको बढैयाताल गाउँपालिका–६ मैनापोखरस्थित इलाका प्रहरी कार्यालयका प्रहरी नायब निरीक्षक साउद ३० हजार घुससहित पक्राउ परेका हुन् । अख्तियार अनुसन्धान आयोगको टोलीले उनलाई पक्राउ गरेको हो ।

लागू औषधको मुद्दा मिलाइदिने भन्दै साउदले सेवाग्राहीसँग ३० हजार घुस लिएका थिए । अख्तियारको नेपालगन्जबाट खटिएको टोलीले साउदलाई पक्राउ गरेको हो । साउदबारे थप अनुसन्धान भइरहेको आयोगका प्रवक्ता भोला दाहालले बताए ।