जुरेली न्युज डेस्कः दाङमा वनभोजका लागि आएका यात्रु बोकेको बस दुर्घटना भएको छ।
आज बिहान ७ बजे बर्दियाबाट दंगीशरण – ३ स्थित थारु संग्रालय रहेको चखौरामा वनभोजका लागि आउँदै गरेको भे १ ख २०४१ नम्बरको बस राप्ती राजमार्ग अन्तरगत अमेलिया –तुलसीपुर सडक खण्डको झञ्ज्याङ नजिकै दुर्घटनामा परेको हो।
दुर्घटनामा २० जना घाइते भएको जिल्ला प्रहरी प्रमुख एसपी रामबहादुर केसीले बताए ।इलाका प्रहरी कार्यालय तुलसीपुरका प्रमुख डिएसपी ठाकुरप्रशाद पोखरेलले घटनास्थलमा प्रहरी निरीक्षक नवचन्द्र मल्ल पुग्नै लागेको जानकारी दिए ।
घाइते कति जना हो र अवस्था के हो भन्ने खुलेको छैन,’ उनले भने ‘ तुलसीपुर बजारबाट एम्बुलेन्सहरु उद्धारका लागि पठाइएको छ।’एसपी केसीले पनि दुर्घटनाको विस्तृत विवरण आउन बाँकी रहेको जानकारी दिए। सेतो पाटीबाट
