पुष्पराज खतिवडा
बारा

बारामा एकजना महिला माथी एसिड आक्रमण भएको छ ।

पर्साको विरगजं महानगरपालिका–१३, श्रीपुर घरभएका उमेश साहकी पत्नी सीता पटेल माथी कलैया उपमहानगरपालिका–२३, कोरिया टोल नजिकै सुक्रबार साँझ ८ बजेको समयमा एसिड आक्रमण भएको हो ।

एसिड आक्रमणमा परेकी सीताको शरिरको विभिन्न भाग जलेको प्रहरीले जनाएको छ ।

महिलालाई एसिड आक्रमण गरेको आरोपमा प्रहरीले पर्साको बिरगजंबाट २ जनालाई पक्राउ गरेको छ ।

पतिपत्नी मोटरसाईकलमा माईतीघर कलैया आउँदै गर्दा सीतामाथी एसिड आक्रमण भएको प्रहरीले जनाएको छ ।

एसिड आक्रमणमा परि गम्भीर घाईते सीताको हाल नारायणी उपक्षेत्रीय अस्पताल बीरगजंमा उपचार भैरहेको बाराका नायव प्रहरी उपरिक्षक विकास थापाले जानकारी दिए ।

सुरुमा प्रादेशिक असपताल कलैया लगिएकोमा अवस्था गम्भीर देखिएपछी थप उपचारका लागि विरगजं पठाईएको उनले बताए ।

घटनामा संलग्न भएको आरोपमा पर्सा बिरगजं १३ श्रीपुर बस्ने ३२ बर्षिया रामबाबु साह र सोही ठाउँका ५० बर्षिय हवारी साहलाई प्रहरीले बिरगजंबाटै पक्राउ सुक्रबार राती पक्राउ गरेको छ ।

पक्राउ परेका रामबाबु र हवारी पिडित सीताका जेठाजु र ससुरा भएको डिएसपी थापाले जानकारी दिए । पक्राउ परेका दुईलाई हिरासतमा राखी थप अनुसन्धान भैरहेको उनले बताए ।