नवराज घिमिरे
पुष ८, बारा: शुक्रबार साँझ अज्ञात समुहले चलाएको गोली लागेर गम्भिर घाइते भएका भारतिय व्यापारीको मृत्यु भएको छ । गोलि प्रहारबाट भारतको मोतिहारी जिल्ला छौडादानो निवासी व्यापारी शिवपुजन यादवको मृत्यु भएको हो ।

प्रत्यक्षदर्शीका अनुसार महागढीमाई नगरपालिका वडा नं. २ भुतही पुल नजिकै चिया पसलमा अज्ञात समूहले यादव उपर गोली चलाएर भागेका थिए । साँझ ५ः३५ बजेको समयमा दुईवटा नं. नखुलेको भारतिय मोटरसाइकलमा आएका ५ जना अज्ञात समुहले यादवलाई गोली हानेर भागेका हुन् ।

गोली लागेर गम्भीर घाइते भएका यादवको एलएस न्युरो अस्पतालमा उपचार क्रममा ७ः३० बजे मृत्यु भएको बाराका प्रहरी उपरिक्षक होविन्द्र बोगटीले जानकारी दिए । मृतक यादवको सव पोष्टमार्टमका लागि कलैया अस्पतालमा राखिएको तथा फरार अज्ञात समुहको खोजि भैरहेको प्रहरी उपरिक्षक बोगटीले जानकारी दिए ।