२१ पौष ,बारा: सवारी दुर्घटना परि एक युवकको मृत्यु भएको छ । मृत्यु हुनेमा जिल्ला बारा जितपुरसिमरा उपमहानगरपालिका वडा नं.१ पथलैया बस्ने अ.बर्ष २४ को मनोज मल्लिक भएको प्रहरीले जनाएको छ ।

नगरपालिकामा सुपरको काम गर्दै आएका मल्लीकलाई बुधवार राती सवादश बजेको समयमा जितपुरसिमरा उ.म.न.पा.२ स्थित जगदम्बा ईस्टील अगाडी लहरीले ठक्कर दिएको थियो ।

जितपुर तर्फबाट पथलैया तर्फ आउँदै गरेको मल्लीक सवास ना.२०प ७१६४ नं.को मोटरसाईकललाई सोही दिसाबाट आउँदै गरेको ना.७ख ४२३७न.को टेलरगाडी(लहरी)ले ठक्कर दिँई गम्भीर घाईते बनाएको थियो ।

घाईते मल्लीकलाई उपचारको लागी नारायणी उपक्षेत्रिय अस्पताल बिरगंज पठाइएकोमा उपचारका क्रममा उनको रातीनै मृत्यु भएको हो ।

मृतक सवार मोटरसाईकलाई ठक्कर दिने गाडी र सोका गाडी चालक परवानीपुर गाउँपालिका ०३ लिपनी बस्ने ३५ बर्षका सर्फु आलमलाई ईलाका प्रहरी कार्यालय सिमराको नियन्त्रणमा राखिएको बारा प्रहरी प्रवक्ता डिएसपी राजेश थापाले जानकारी दिनु भयो ।